[ تناسيتك ... ]

[[ احمد ]]

رحلت ومقصدي كله .. عشان [ انساك ]
نسيتك ؟ لا حشى واللي خلق راسي تناسيتك


تناسيتك نعم لكن بقت في داخلي [ ذكراك ]
بقى في داخلي [ زولك ] بقى في داخلي بيتك


ألا يا ڪيف أنا بآسلى [ ليالي ] غربتي واسلاك؟
مدام اني ليا جيت لمرآية غرفتي [ جيتك ]


أشوفك في [ وسط عيني ] وأغمضها عشان امحاك
واشووفك داخل جفوني إذا غمّضت [ ضمّيتك ]


[ أضمّك ] واشتڪي طيفك على طيفك بدون إدراك
وانا في غربتي ليتك تحس بحالتي [ ليتك ]


ورى عوج الضلوع ألقى بقايا [ ضحكتك ] والقاك
وأسافر لك وانا حيّك واسافر لك وانا ميتك


نقشت [ أسمك ] على عرق الخفوق اللي فقد يمناك
واذا مرّ النفس صدري [ تذكرتك ] وحيّيتك


شهور مرّت وانا قلبي يعيش [ بضيعته ] بحماك
بدون أسباب لا تسأل ليا منّي [ تمنيتك ]


أهذري بك واغني بك [ أنا اهواك أنا أهواك ]
وأمرّك تايهٍ .. واذكرك لا مني تعديتك


[ حبيبي ] طالبك تڪفى سألتك بالذي سواك
وش اللي يمنع عيوني ليا جيتك وراعيتك ؟


تحاڪمنا على الفرقى بدون اسباب [ يامقساك ]
تخالفنا .. تعدينا الحدود .. ورحت خليتك


ڪذا ما من سبب يشرح نهاية قصتي وياك
تڪبرت .. [ وتڪبرت ] .. وتحديت .. [ وتحديتك ]


تفارقنا ودمعات [ القهر ] تخشع على فرقاك
وبلاي اني من دموع الوداع المرّ [ واسيتك ]


[ حبيبي ] والفضا كله مساحات وسما وافلاك
يضيق وغيبتك قشرا .. وانا جيتك [ وناجيتك ]


مدام ان الغياب اللي يداعب غربتي [ فتّاك ]
أمانه لا تجاهلني .. وانا للوصل [ ناديتك ]


صحيح اني [ تجاهلتك ] وخليتك عشان [ انساك ]
ولكن والذي سوى عروقي .. [ بس تناسيتك ]


تناسيتك نعم لكن بقت في داخلي [ ذكراك ]
بقى في داخلي [ حبك ] .. بقى في داخلي بيتك



:

مما قرآت
:rosse:

[ساري أحمد]

طابَ الجلبُ يا أحمد
وطابَ ذوقك الرائع


:170[1]:

[رمــاد]

ڪذا ما من سبب يشرح نهاية قصتي وياك
تڪبرت .. [ وتڪبرت ] .. وتحديت .. [ وتحديتك ]



:015:

طاب الجلب يارائع


لك ودي :17:

[[ احمد ]]

ساري القلب

رماد

سعيد بحضورك وإطلالتكم
دمتم للعبق
:gf:

[زمردة]

السلام عليكم ورحمة الله وبركاته


صح لسان شاعرها ولا هان
ولا هانت روحك يا أحمد


:Mis (15):

[آنية الثلج]

طـــأب الجلب ..

يسلمك ربي ويسلم لسان صاحبها ..

:Mis (15):

[لوحة الماء]

جميلــه جدا

سلمت أخي على هذا النقل الرائع

تحياتي

[[ احمد ]]

زمردة - آنية الثلج - لوحة الماء

يخليكم ربي يا رائعات

دعوها تداعب أرواحكم
:w603294

[طفلٌ لا يجيد الكتابة]

رائعٌ في انتقائك ..

دمتَ مميزاً ... يا أحمد

:rozesa:

[مـ (غيرك) ـابي]

طـاب الجـلب يـارائع:015:


لـرووحـك:Mis (15)::2131_1168498700: