رز صيــــيني يجنن (لا يفوتكم)

[كبرياء]

السلآم عليكم و رحمة الله وبركآته



مالكم بالطويله ,


ابي اعلمــكم طريقة مرره لذيذه , من اختراعي وطبعا بالخلطه السريه وتقدرين نفس الخلطه السريه بدل الرز تحطين مكــــرونه ..

يطلــع الطعم عن جد ولا اكبر مطعم صيني يسويه مثلي


المقادير.. والطريقــه بخطوة خطوة.. عشآن ما احوسكم..

الشرح طوويل لاتتكسلــــون بس مايآخذ وقت كبير بطبخه :015:


اول شيء: جيبي الي تبين رز او مكرونه وخليها تنطبخ طبخ عادي ع مويه وملح و زيت بدون اي اضافات)...

ملاااحظه مهمه:
لااتنسي تطبخين الرز بقدر كبير شووي حتى لو الكميـــه قليله لانه بالاخير بنحط الخضار والدجاج عليها..


ثاني شيء : الخضار الصينيــه ..

1/ بطاطس (مهم يعطي طعم مره لذيذ)
2/ كوسه (حسب الرغبه )
3/ خس (مهم)
4/ ملفــوف(مهم جداً اساس الطبخه )
5/جزر( حسب الرغبه بس يعطي طعم حلو لانه فيه شوية سكر ..)
6/ قرنبيط, زهره(حسب الرغبه )
7/ فلفل رومي اخضر(حسب الرغبه بس كمان يعطي نكهه حلووة)

الطريقه: قطعي جميع ماسبق من الخضار قطع مربعه , عدا الملفوف و الفلفل الرومي والخس قطعيها بالطوول..
بعدين اقليـــها بالزيت.

ملااحظه:
. والجزر ابشريـــــــه .. لاتقطعيه لامربعات ولاطول ابشريــه..

الجزر والخس لاتقلينهــآ بالزيت..

** اذا خلصت خليها ع جنب..


ثالث شيء: صدور الدجآج.. وانتبهــــــــــو بأكتب التتبيلــه السرية :024:



** افرمي بصل وثوم وخليها ع النار الين يصير لونها ذهبي محمر طبعا حطي شووي زيت ..
بعدين قطعي صدرو دجاج(انا احب ساديا) قطعيه مربعات متوسطه ..
وخليه يستوي مع البصل والثوم
** اضيفي ( مكعب ماجي, كمون, فلف احمر بودره, ملح اذا حسيتي الماجي ما عطى الاكل ملح كفآآيه)..

(بعد ماتحطين البصل والثوم وقطع الدجاج والبهار.. خليه يستوي شووي بعدين حطي فوقه كـــل الخضآر الي قلتيها
خليها مع بعضها تنطبخ...

ما عــــــــــــــدا الملفوف والخس والجزر خليه اخر شيء لانه يذبـــل بسرعه ..

)..




تعالـــــي للطريقة الرابعــــــه:


** الحيـــــن ع النآر ( حطينآ البصل والثوم والبهار والدجاج والخضار المقلي , اذا حسيتي انها خلاص نضجت وتمااسكت مع بعضها ..


تعالــــــــي سوي الخلطه السريـــــــــــــــه: ومن اختراعي :015:


** جيبي صحن (يكون مجوف خخخخ عشآن ماينكب برا لان الخطله ساايله)

المهم: حطي حسب الكميه (يعني كميه معقوول مو مره قليل لااا لانها سر الطبخه يعني اذا ما اهتمتي بهالنقــــــــــــطه مارآآآح تطلع طبختك حلووة ااااااااااااابد والتتبيله الصينيه *_* )مايلي:

1/ حليب سائل
2/ خل ابيض التفاح
3/ ثوم مدقوق وهو سر الطبخه
4/ الصويا الحلوة (الي لونها اسود من ماجي) وهي السر الثااني..

وحركيهــــــم زين بعدين صبيها ع الخضار والدجاج وحطي الجزر والخس والملفوف.. وخليها هيك من خمس الى عشر دقايق..او سبع دقايق..


بعـــــــدين آخر شيء:

اكيد بيكون الرز استووى او المكرونه..

جيبي الخضار والدجااج وكبيها فوق الرز, وحركيهم مع بعضهم زييييييين زييييييييين وخليها ع النار هيك شي خمس دقااايق..عشآآن يتجانس مع بعضه ويآخذ الرز الطعم والنكهه الصينيه اللذيذه والصويا والثوم..


وبالهنــــــــــــاء والعافيـــــــــه :)

مـــــــــرهـ لذيذه لاتفووتكم*_^

[سكن الليل]

وعليكم السلام ورحمة الله وبركاته ، وصفةٌ جميلة و وجبة لذيذة ، جاري التجربة يا كبرياء :)


شكراً لكِ
* تطبخين من ورانا يا دوبا :40:

[زورق]

سأدون هذا الموضوع في ورقة وأتفنن بالرز الصيني ::)

اشكرك من صميم قلبي .

ودي

:w603294

[ضياء الكون]

وعليكم السلام ورحمة الله وبركاته ، هل الطبق مضمون يا كبرياء :)
اخشى بأن يكون حاراً أو كثير التوابل ، طبتِ يا روح.


:rozesa:

[جبين الشمس]

وعليكم السلام ورحمة الله ، أهلاً كبرياء أو الشيف كبرياء :smoke:

تعجبني الوصفة المفصلة جداً كهذه لأتمكن من القيام بها إن شاء الله ، جميلة أنتِ :Mis (3):

[خجل]

http://forums.graaam.com/up/uploaded6/82904_11201135754.gif

[شمس]

ما رأيك يا كبرياء الروح لو افتتحتِ قسم للطبخ ؟
ومائدة العبق
الأمر لكم :)

شكراً للوصفة

:40:

[مذود العنزي]

شكرا الوصفه
راح اخلى المدام
تسويها لما اتزوز
:roose: لك

[كبرياء]

أشكركم جميعا لمروركم العطر

والأخ مذود حرام تستنى لما تتزوز سويه الآن تراه سهل :aa:

[مـ (غيرك) ـابي]

حسييت انها لذيذهـ حييل

يعطيك العافيهـ

:024::024: